తిమ్మమాంబ రథోత్సవంలో పాల్గొన్న ఎమ్మెల్యే
శ్రీసత్యసాయిజిల్లా, మార్చి07(విజయస్వప్నం.నెట్)
నంబులపూలకుంట మండలంలోని గూటిబైలు గ్రామ శ్రీ తిమ్మమ్మ మర్రిమాను ఆలయంలో శ్రీతిమ్మమాంబ మహాశివరాత్రి జాగరణ మహోత్సవంలో భాగంగా గురువారం రథోత్సవం కార్యక్రమంలో కదిరి శాసనసభ్యులు పివి సిద్దారెడ్డి పాల్గోని ప్రత్యేక పూజలు నిర్వహించి,ప్రారంభించారు. ఈ సందర్భంగా ఎమ్మెల్యే సిద్ధారెడ్డి మాట్లాడుతూ ప్రతి ఏడాది శ్రీతిమ్మమాంబ మహాశివరాత్రి ఉత్సవాలు ఘనంగా నిర్వహిస్తున్నారని, అమ్మవారి ఆశీస్సులు ప్రజలందరిపై ఉండాలని కోరుకున్నారన్నారు.ఈ కార్యక్రమంలో స్థానిక ప్రజాప్రతినిధులు, వైఎస్ఆర్ కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు.
______________________________
సత్యసాయి జిల్లా,పుట్టపర్తి మార్చి07(విజయస్వప్నం.నెట్)
పుట్టపర్తి నియోజకవర్గం కొత్త చెరువులో తెలుగుదేశం పార్టీ జాతీయ ప్రధాన కార్యదర్శి నారా లోకేష్ బాబు చేపట్టిన శంఖారావం సభ ఏర్పాట్లను గురువారం మాజీ మంత్రి పల్లె రఘునాథ్ రెడ్డి, వాల్మీకి సాధికారత కమిటీ జిల్లా అధ్యక్షుడు రామాంజనేయులు, టీడీపీ జిల్లా నాయకులు సాలేక్క గారి శ్రీనివాసులు, కన్వీనర్ మండల కన్వీనర్ వలిపి శ్రీనివాసులు,రామకృష్ణ, తెలుగుయువత నాయకుడు ఊరు వాకిలి సురేష్ నాయుడు, శుభచంద్ర ,టీడీపీ నాయకులు సూర్య ప్రకాష్,జిల్లా ప్రధాన కార్యదర్శి వలిపీ సోముశేఖర్ ,బిసి రాష్ట్ర ఉపాధ్యక్షులు ఎల్ఐసి నరసింహులు, బుక్కపట్నం టీడీపీ నాయకులు సయ్యద్ అహ్మద్, కొత్తచెరువు టీడీపీ నాయకులు, కార్యకర్తలు తదితరులు పాల్గొన్నారు.
______________________________
శ్రీసత్యసాయిజిల్లా,మార్చి07(విజయస్వప్నం.నెట్)
ఓడిచెరువు పంచాయతీ గ్రామ బిసి కాలనీకి చెందిన కళాకారుడు హరిదాసు వరకూటి గంగాధర్(89)అనారోగ్యం బాధపడుతూ గురువారం సాయంత్రం మృతి చెందినట్లు కుటుంబ సభ్యులు తెలిపారు.కళాకారుడిగా గంగాధర్ రంగస్థలం వేదికలపై వందల సంఖ్యలో హరిదాసు ప్రదర్శనలు నిర్వహించి గ్రామీణ ప్రాంతాల ప్రజల మన్ననలు పొందినట్లు కళాకారుల సంఘాల నాయకులు కొనియాడారు.హరిదాసు గంగాధర్ మృతి పట్ల పలువురు ప్రగాఢ సంతాపం తెలిపారు.హరిదాసు అంత్యక్రియలు శుక్రవారం ఉదయం 10గంటలకు ఓడిచెరువు గ్రామంలో నిర్వహిస్తారని కుమారులు వరకూటి నాగార్జున, వరకూటి మహేష్ లు తెలిపారు.
______________________________
ఓటమి భయంతోనే జనసేనికుల ఇళ్లల్లో తనిఖీలు అత్యంత హేయమైన చర్య - జనసేన పార్టీ కదిరి ఇంచార్జీ భైరవ ప్రసాద్
శ్రీసత్యసాయిజిల్లా కదిరి మార్చి07(విజయస్వప్నం.నెట్)
సిఎం జగన్ రెడ్డికి అన్నీ కోణాల్లో వ్యతిరేకత కనిపిస్తున్నాయని,ఒక పక్క జగనన్న వదిల బాణం షర్మిల పోటు,సొంత బాబాయ్ వివేకానంద రెడ్డి గొడ్డలి పోటు కేసు ,తెలుగు దేశం,జనసేన పార్టీల పొత్తు,ప్రజల్లో వస్తున్న వ్యతిరేక,రాష్ట్ర వ్యాప్తంగా అన్ని సర్వేల్లో ఓటమి పాలు అవుతున్నామనే మానసిక ఒత్తిడిలో అసహనంతో ఏం చెయ్యాలో దిక్కు తోచక నిన్నటి(6వతేది)రోజు జగన్ రెడ్డి పోలీసు వ్యవస్థను అడ్డం పెట్టుకొని ప్రజా స్వామ్యం అపహాస్యమయ్యే విధంగా జనసేన పార్టీ కేంద్ర కార్యాలయంలో ఉన్న సిబ్బందిని విచారించడం, వ్యక్తిగత గదుల వివరాలు సేకరించడం లాంటి హేయమైన చర్యకు పాల్పడ్డాడని గురువారం కదిరి జనసేన పార్టీ ఇంచార్జ్ భైరవప్రసాద్ విలేకరుల సమావేశంలో ఖండించారు. జగన్ రెడ్డి చెయ్యాల్సిన తనిఖీలు జన సేన పార్టీ కేంద్ర కార్యాలయంలో కాదని,వైకాపా సొంత పార్టీ ఎమ్మెల్యేలపై, మంత్రులపై, ఎంపీల ఇళ్లలో సోదాలు చేపడితే అవినీతి బాగోతాలు బయటకు వస్తాయన్నారు. ఏదో జనసేన పార్టీ అధినేత పవన్ కళ్యాణ్ పై బురద చల్లాలని పెయిడ్ పోలీసు అధికారులను అడ్డం పెట్టుకొని పార్టీ కార్యాలయంలో గంజాయి, కొకైన్ వంటి మత్తు పదార్థాలు మీరే అక్కడి పెట్టేసి జన సేన పార్టీ కార్యాలయం సిబ్బందిని భయబ్రాంతులకు గురి చెయ్యాలనే ఆలోచనలో ఉన్నారని, ఇకపై అలాంటి ఆటలు సాగవని,రాబోయే సార్వత్రిక ఎన్నికల్లో కేవలం 40 రోజుల్లో వైకాపా ఓడిపోవడం ఖాయమని,చర్యకు ప్రతి చర్య తప్పదని, ప్రతి దానికి మీరు సమాధానం చెప్పే రోజులు అతి దగ్గరలో ఉన్నాయని,రాబోయేది జన సేన,తెలుగు దేశం ఉమ్మడి ప్రభుత్వమేనని, కావున పోలీసులు,ప్రభుత్వ అధికారులు, ఉద్యోగస్తులు రాజకీయ నాయకుల చేతుల్లో బలికాకండని జనసేన పార్టీ ఇంచార్జీ భైరవప్రసాద్ ఈసందర్బంగా పేర్కొన్నారు.
ఈసమావేశంలో కదిరి పట్టణ అధ్యక్షుడు కాయల చలపతి, ఉపాధ్యక్షులు,జిల్లా కార్యక్రమాల నిర్వహణ కమిటీ సభ్యులు లక్ష్మణ కుటాల, ప్రధాన కార్యదర్శి వానిల్లి అంజిబాబు,నల్ల చెరువు మండల కన్వీనర్ సాకే రవి కుమార్,పెద్ద గోవిందు,రెడ్డెప్ప, అరవింద్, వెంకటరమణ తదితరులు పాల్గొన్నారు.
______________________________
ఏపీ సచివాలయంలో చీఫ్ సెక్రటరీ ఆధ్వర్యంలో నిర్వహించిన జాయింట్ స్టాఫ్ కౌన్సిల్ మీటింగ్ కు పోలీస్ అధికారుల సంఘం తరఫున స్టేట్ ప్రెసిడెంట్ జనకల శ్రీనివాసరావు,స్టేట్ ట్రెజరర్ సోమశేఖర్ రెడ్డి,వైస్ ప్రెసిడెంట్లు శేషయ్య, రఘురాం,స్టేట్ ఈసీ మెంబర్ పెద్దయ్య, ఏలూరు జిల్లా ప్రెసిడెంట్ నాగేశ్వరావు ప్రత్యేక ఆహ్వానితులుగా మీటింగ్ కు హాజరై నాన్ ఫైనాన్సియల్ విషయాలపై చర్చించినట్లు సమాచారం ఇచ్చినట్లు తెలిపారు. పోలీసు డిపార్ట్మెంట్ కు సంబంధించిన ఎస్ఎల్ఎస్ లు, జీపిఎఫ్, ఏపిజీఎల్ఐలు త్వరలో ఎప్పుడైనా ఈ నెల చివరిలోపు అకౌంట్లకు జమ చేస్తామని హామీ ఇచ్చినట్లు తెలిపారు.
______________________________
శ్రీసత్యసాయిజిల్లా కదిరి పట్టణంలోని 21వ వార్డులో గురువారం వైకాపా శాసనసభ అభ్యర్థి మక్బుల్ ఎన్నికల ప్రచారం చేపట్టి,ఫ్యాన్ గుర్తుకు ఓటు వేసి మరోసారి జగనన్నను ముఖ్యమంత్రిని చేసి,ఎమ్మెల్యే గా గెలిపించాలని ఆయన ప్రచారం చేపట్టారు.వైకాపా నాయకులు,కార్యకర్తలు ఆయన వెంట ప్రచారంలో పాల్గొన్నారు.
______________________________
మాజీ మంత్రి పల్లె రఘునాథ్ రెడ్డి సూచనల మేరకు నేడు శుక్రవారం ఉదయం 9 గంటలకు కొత్తచెరువులోని ధర్మవరం రోడ్డు సమీపంలో తెలుగుదేశం పార్టీ జాతీయ ప్రధాన కార్యదర్శి నారా లోకేష్ బాబు శంఖారావం సభ నిర్వహించే కార్యక్రమంలో జనసేన పార్టీ మండల కమిటీ నాయకులు,జనసైనికులు అధిక సంఖ్యలో పాల్గొని సభను విజయవంతం చేయాలని విలేకరుల సమావేశంలో గురువారం జనసేన పార్టీ మండల అధ్యక్షులు మేకల ఈశ్వర్ పిలుపునిచ్చారు. ఆర్ట్ శ్రీను, దివాకర్ రెడ్డి తదితరులు పాల్గొన్నారు.
______________________________
కామెంట్‌లు లేవు:
కామెంట్‌ను పోస్ట్ చేయండి