మార్చ్ ఫాస్ట్ లో విద్యార్థికి ప్రశంసాపత్రం
శ్రీసత్యసాయిజిల్లా,గోరంట్ల
ఓడిచెరువు ఫిబ్రవరి01 - మండలంలోని అల్లాపల్లి పంచాయతీ గౌనిపల్లి గ్రామానికి చెందిన నూలు మునిస్వామి,నిర్మలమ్మ దంపతుల కుమారుడు నూలు రాజు గోరంట్ల మండలంలోని బెస్ట్ ఇన్నోవేషన్ యూనివర్సిటీ కళాశాలలో గణతంత్ర దినోత్సవ వేడుకల సందర్భంగా మార్చ్ ఫాస్ట్ లో పాల్గొని ఉత్తమ ప్రదర్శన కనబరచడంతో యువకుడు నూలు రాజుకి కళాశాల యాజమాన్యం చిదానంద ప్రశంస పత్రం అందించారు.గౌనిపల్లి గ్రామ ప్రజలు, విద్యార్థి తల్లిదండ్రులు హర్షం వ్యక్తం చేస్తున్నారు.
__________________________________________________________
వైకాపా నుండి తెదేపాలోకి పలువురు చేరిక
.jpeg)
వైసీపీ పాలనలో విసిగిపోయిన నాయకులు కార్యకర్తలు తెలుగుదేశం పార్టీలోకి చేరుతున్నారని,అమడగూరు మండలంలోని కస్సముద్రం,నిలువురాతిపల్లికి చెందిన 50 కుటుంబాలు గురువారం వైకాపా వీడి తెదేపాలోకి మాజీ మంత్రి పల్లె ఆధ్వర్యంలో చేరిన సందర్బంగా ఆయన పేర్కొన్నారు.తెదేపా నాయకులు,కార్యకర్తలు తదితరులు పాల్గొన్నారు.
ప్రకృతి పరిరక్షణలో మేము సైతం:-ఆర్ట్స్ కళాశాల విద్యార్థులు
అనంతపురం ఫిబ్రవరి01 - అనంతపురం పట్టణంలోని ఆర్ట్స్ కళాశాల ఆవరణంలో గురువారం ప్రముఖ పర్యావరణవేత్త భాస్కర్ నాయుడు ఆధ్వర్యంలో బాటనీ విద్యార్థులకు సమావేశం ఏర్పాటు చేసి మొక్కలు,చెట్లు,తీగలు,గడ్డి, అటవీ సంపద యొక్కవిశిష్టత, భూమిపైగల సమస్త జీవరాసులకు జీవనాధారమైన వీటన్నింటినీ సమృద్ధిగా పెంచుకోకపోతే భవిష్యత్తులో ఆహారం,గాలి,నీరు,ఎకో సిస్టం, సాయిల్ కన్జర్వేషన్,టెంపరేచర్ బ్యాలెన్స్ తదితర విషయాలలో ఎంతగానో నష్టపోవాల్సి వస్తుందని,వీటన్నింటిపై అవగాహన కలిగి ఉండాలని సూచించారు.భవిష్యత్తులో వీటిని కాపాడుకోవడానికి విద్యార్థి దశలో అవగాహనతో ముందుంటారని.సమాజంలో ప్రజలు శక్తివంతంగా,జ్ఞానవంతంగా, బాధ్యతగా జీవించాలంటే,చెట్ల యొక్క పాత్ర ఎంతో ఉందని విద్యార్థులకు క్లుప్తంగా వివరించారు.ఈ కార్యక్రమంలో నేషనల్ హ్యూమన్ రైట్స్ కల్చర్ అండ్ నేచర్ డెవలప్మెంట్ ఆర్గనైజేషన్ జిల్లా ఉపాధ్యక్షులు నారాయణ నాయక్,బాటనీ హెచ్ ఓ డి రఘు,కళాశాల ఇన్చార్జ్ లెక్చరర్ లక్ష్మి,కళాశాల అధ్యాపకులు తదితర సిబ్బంది పాల్గొన్నారు.
____________________________________________________________
ఉచిత వివాహ కార్యక్రమానికి ఎస్ఐకి ఆహ్వానం
ఓబుళదేవరచెరువు ఫిబ్రవరి01 - మండల కేంద్రానికి అతి సమీపంలో ఎం.కొత్తపల్లి బంగారు బండపై వెలసిన శ్రీధర్మశాస్త అయ్యప్పస్వామివారి దేవస్థానం ఆవరణలో శ్రీలక్ష్మినరసింహస్వామి సన్నిధిలో ఈనెల 14వతేది(మాఘుమాసం)కదిరి జోగి శ్రీదేవి ఫౌండేషన్ చైర్మన్ కోడూరు శ్రీకాంత్, ఆలయ నిర్మాణ సంకల్పకులు పచ్చార్ల ఆంజనేయులు నాయుడు ఆధ్వర్యంలో నిర్వహించే 11 జంటల వధూవరులకు సామూహిక వివాహ కార్యక్రమంలో పాల్గొనాలని గురువారం పోలీసుస్టేషన్ లో ఎస్ఐ మల్లికార్జునరెడ్డిని చైర్మన్ కోడూరు శ్రీకాంత్, ఆలయ నిర్మాణ సంకల్పకులు పచ్చార్ల ఆంజనేయులు నాయుడు మర్యాద పూర్వకంగా కలసి ఆహ్వానపత్రిక అందజేశారు.శ్రీధర్మశాస్త అయ్యప్పస్వామివారి ఆలయ నిర్మాణ సంకల్పకులు పచ్చార్ల ఆంజనేయులు నాయుడు పలువురి సహాయ సహకారాలతో నిరంతరం సేవా కార్యక్రమాలు నిర్వహిస్తూ.... ఇలాంటి సామూహిక ఉచిత వివాహ శుభ కార్యక్రమానికి శ్రీకారం చుట్టడడం,అభినందనీయమని ఎస్ఐ మల్లికార్జునరెడ్డి కొనియాడారు.జోగి శ్రీదేవి ఫౌండేషన్ చైర్మన్ శ్రీకాంత్ సహకారంతో ఉచిత వివాహాలు నిర్వహిస్తున్నట్లు ఆలయ నిర్మాణ సంకల్పకులు పచ్చార్ల ఆంజనేయులు నాయుడు ఈసందర్బంగా తెలిపారు.ఈకార్యక్రమంలో ఆలయ సేవకులు సీసి కెమెరా శంకర,డప్పు నరేష్,సర్వేయర్ గంగులప్ప,రాధాకృష్ణ గౌడ్ తదితరులు పాల్గొన్నారు.
___________________________________________________________
విద్యుత్ షాక్ గురై వ్యక్తి కూలి మృతి
శ్రీ సత్యసాయి జిల్లా ఫిబ్రవరి 01 - మండలంలోని తుమ్మలకుంట్లపల్లి గ్రామానికి చెందిన నంజప్ప నాయుడు(65)గురువారం విద్యుత్ షాక్ గురై అక్కడికక్కడే మృతి చెందినట్లు ఎస్ఐ బి. మల్లికార్జునరెడ్డి తెలిపారు.మృతుడు నజ్జప్ప నాయుడు కూలీ పనులు చేసుకుంటూ జీవనం సాగించేవారని,31 సాయంత్రం (బుధవారం)తూవంకపల్లి (బడావండ్లపల్లి)చెందిన వెంకటరామిరెడ్డి నాజ్జప్ప నాయుడుకి ఫోన్ చేసి తన పొలంలో విద్యుత్ తీగ తెగిపోయిందని తెలిపగా....కరెంట్ వైర్ లాగడానికి పొలం వద్దకు రమ్మని పిలవడంతో వెంటనే గ్రామానికి చేరుకొని ఇద్దరు కలిసి కరెంట్ పని చేసుకుంటూ ఉండగా అనుకోకుండా విద్యుత్ తీగ తగిలి షాక్ గురై పడిపోయినాడని వెంటనే అక్కడికి వెళ్లి చూడగా మృతి చెందారని మృతుడు నజ్జప్ప నాయుడు కుమారుడు చంద్రశేఖర్ ఇచ్చిన పిర్యాదు మేరకు కేసు నమోదు చేసి మృతిడిని పోస్ట్ మార్టం నిమిత్తం కదిరి ప్రభుత్వ ఆసుపత్రికి తరలించినట్లు ఎస్ఐ తెలిపారు.
__________________________________________________________
.jpeg)
కామెంట్‌లు లేవు:
కామెంట్‌ను పోస్ట్ చేయండి